Sep 22, 2017

Filmy

Książki

Humor

Kuchnia Ormiańksa

Aktualności

Waluta

Armenia

edit SideBar

AsbarezNews

Asbarez English version

RSS feed: Asbarez - Armenian

ՀԱՐՑԱԶՐՈՅՑ ԳԼԵՆԴԵԼԻ ՔԱՂԱՔԱՊԵՏ ՎԱՐԴԱՆ ԿԱՐԱՊԵՏԵԱՆԻ ՀԵՏ


ՄԱՀԱԶԴ- ՅԱԿՈԲ ԲԱՂԴԱՍԱՐԵԱՆ

BARONHAGOP

 

ՅԱԿՈԲ ԲԱՂԴԱՍԱՐԵԱՆ

(Ծնեալ՝ Մարտ 30, 1948ին, Թեհրան, Պարսկաստան)

Սրտի դառն կսկիծով կը գուժենք մեր սիրեցեալ ամուսնոյն, հօր, մեծ հօր, եղբօր եւ հարազատին՝ Յակոբ Բաղդասարեանի մահը, որ պատահեցաւ Երեքշաբթի, Սեպտեմբեր 19, 2017ին։

Յուղարկաւորութեան արարողութիւնը տեղի պիտի ունենայ Շաբաթ, Սեպտեմբեր 23, 2017, առաւօտեան ժամը 10։30ին, Կլենտէյլի Ս. Աստուածածին եկեղեցւոյ մէջ, 500 S. Central Ave., ապա թաղումը՝ Glendale Forest Lawn գերեզմանատան մէջ։

Սգակիրներ՝

Այրին՝ Հիլդա Բաղդասարեան

Զաւակները՝ Փիթըր եւ Ռուբի Բաղդասարեան եւ զաւակները՝ Մայքըլ եւ Ճան

Գեւիկ եւ Փաուլա Բաղդասարեան եւ զաւակները՝

Անթընի, Ճորճ եւ Ճէք

Քոյրերը՝ Նորա, Էմմա, Ռիմա եւ Ասիա իրենց ընտանիքներով

Եւ համայն հարազատներն ու բարեկամները

Թաղման արարողութենէն ետք հոգեճաշ պիտի մատուցուի Glen Arden սրահին մէջ, 357 Arden Ave., Glendale 91203

Փոխան ծաղկեպսակի նուիրատուութիւնները կը խնդրուի կատարել Armenian Educational Foundation-ի Hacop Baghdassarian ֆոնտին։

 

 


Արենու Քարանձաւի Բացումը

0920AreniԵՐԵՒԱՆ.- Նորավանքի ճանապարհով իջնելիս լեռների մէջ ծուարած մի քարանձաւ կայ, որն յայտնի է Արենի-1 անուամբ: Մարդիկ անցնելիս գուցէ չնկատեն այն, բայց երբ հնագէտները սկսեցին այստեղ աշխատանքներ իրականացնել, շատ կարեւոր բացայայտումներ եղան. այստեղ գտնուեց աշխարհի ամենահին կօշիկը եւ աշխարհի առաջին գինու հնձանը: Երբ այս բացայայտումների մասին լուրերը տարածուեցին, աւելի շատ զբօսաշրջիկներ սկսեցին այցելել այս վայրը, ինչը վտանգում էր դեռեւս այնտեղ գտնուող, սակայն չբացայայտուած գտածոները եւ խոչընդոտում էր ընթացիկ հնագիտական աշխատանքներին: Հէնց այստեղ էլ ձեռք մեկնեց ԱՄՆ կառավարութիւնը՝ Մշակութային արժէքների պահպանութեան ԱՄՆ դեսպանի հիմնադրամի միջոցով դրամաշնորհ յատկացնելով քարանձաւի պահպանութեան աշխատանքներին: 2013թ. տրամադրուած 52,870 ԱՄՆ դոլար դրամաշնորհի միջոցով տեղանքը ցանկապատուեց, ապահովուեցին լոյսեր ու քայլուղիներ, որպէսզի այցելուները չվնասեն հնավայրը, եւ իրականացուեցին հնավայրի կոնսերվացման (պահպանման-Խմբ.) աշխատանքներ:

«Մշակութային հնավայրերը, ինչպիսին է Արենու քարանձաւը, օգնում են մեզ հասկանալ, որ մեր պատմութիւնը միահիւսուած է: Դա է պատճառը, որ ԱՄՆ կառավարութեան Մշակութային արժէքների պահպանութեան ԱՄՆ դեսպանի հիմնադրամը աջակցում է այնպիսի նախաձեռնութիւնների, ինչպիսիք են Արենու պահպանութեան աշխատանքները», ասաց ՀՀում ԱՄՆ դեսպան Ռիչարդ Միլսը ծրագրային աշխատանքների աւարտն ազդարարող միջոցառման ընթացքում, որը տեղի ունեցաւ Սեպտեմբերի 19ին:

Դեսպան Միլսի հետ մէկտեղ միջոցառմանը ներկայ էին ՀՀ մշակոյթի նախարար Արմէն Ամիրեանն ու Բորիս Գասպարեանը եւ Պաւել Աւետիսեանի գլխաւորած Հնագիտութեան ու ազգագրութեան ինստիտուտի փորձագէտները: Միլսը նշեց, որ այս աշխատանքներն օգնում են ոչ միայն Արենու քարանձաւի ու պատմական գտածոների պահպանութեան հարցում, այլ նաեւ զբօսաշրջութեան խթանման հարցում՝ խրախուսելով զբօսաշրջիկների կայուն հոսքը դէպի քարանձաւ:

2005թ.ից  ի վեր Մշակութային արժէքների պահպանութեան ԱՄՆ դեսպանի հիմնադրամը Հայաստանում իրականացրել է մշակութային ժառանգութեան պահպանութեան 10 ծրագիր՝ 934,000 ԱՄՆ դոլար ընդհանուր արժէքով:


«Հոսփիսը Կեանքի Մասին Է»

Maximum Care Hospice Inc.

5301 Laurel Canyon Boulevard, suite 230

Valley Village. CA 91607

(818) 495-8853

www.maximumcarehospice.com

 


 

ՀԱՐՑԱԶՐՈՅՑ «ՄԱՔՍԻՄՈՒՄ ՔԷՅՐ ՀՈՍՓԻՍ»Ի ՀԻՄՆԱԴԻՐ-ՏՆՕՐԷՆ ՄԱՔՍԻՄ ԼԱԲՈՒՏԻՆԻ ՀԵՏ

 

«Հոսփիսը Կեանքի Մասին Է»

 

Ինչպէս էլ փորձենք խուսափել կեանքից հեռանալուն առնչուող թեմաներից, այդուհանդերձ, բախւում ենք դրանց: «Մաքսիմում Քէյր Հոսփիս» (Maximum Care Hospice Inc.) ընկերութեան ղեկավար Մաքսիմ Լաբուտինի աշխատանքն ուղղուած է նրան, որ հնարաւորինս թեթեւացնի մարդու կեանքի վերջին շրջանը: Լաբուտինը պատասխանում է մի շարք հարցերի, ինչպէս միշտ՝ արհեստավարժօրէն եւ ըստ էութեան:

 

Հարցազրոյցը վարեց՝

ՎԻԿՏՈՐ ԿՈՅՖՄԱՆԸ

Ռուսերէնից թարգմանեց՝

ՆԱՆԷ ԱՒԱԳԵԱՆ

 

 

ՎԻԿՏՈՐ ԿՈՅՖՄԱՆ.- Ե՞րբ է հոսփիս դիմելու առաւել յարմար ժամանակը:

ՄԱՔՍԻՄ ԼԱԲՈՒՏԻՆ.- Եթէ մարդը բուժում է ստանում, որի նպատակը ապաքինումն է, դա հոսփիսին դիմելու համար անպատեհ պահ է: Սակայն եթէ հիւանդի վիճակը վատ է, երբեմն գալիս է մի շրջան, երբ բուժումն այլեւս օգուտ չի տալիս: Աւելին, բուժումը շարունակելու փորձերը կարող են միայն խորացնել վիճակը, իսկ որոշ դէպքերում՝ բուժումը կարող է երկարացնել կեանքը մի քանի շաբաթով, սակայն շատ թուլացնել հիւանդին, պարզ ասած՝ հիւանդի կեանքի մնացած մասը վերածել տանջանքի: Ու թէեւ, նման դէպքերում առողջանալու յոյսեր այլեւս չի լինում, մնում է մէկ այլ յոյս՝ սիրելի ու հարազատ մարդկանց հետ առաւելագոյն ժամանակ անցկացնելու, արժանավայել, առանց տանջանքների կեանքից հեռանալու յոյսը:

 

ՎԻԿՏՈՐ ԿՈՅՖՄԱՆ.- Դա նշանակում է, որ չի՞ կարելի առանձնացնել որոշակի մի պահ, թէ երբ է պէտք Հոսփիս դիմելու որոշումն ընդունել:

211

ՄԱՔՍԻՄ ԼԱԲՈՒՏԻՆ՝ «Մաքսիմում Քէյր Հոսփիս»ի գլխաւոր տնօրէն

ՄԱՔՍԻՄ ԼԱԲՈՒՏԻՆ.- Հիւանդութեան դէպքում չկայ նման յատուկ ժամանակ, երբ հիւանդը պէտք է սկսի հետաքրքրուել հոսփիսով, եւ ամէն ինչ կախուած է կոնկրետ դէպքերից: Սակայն կան որոշակի նշաններ կամ ազդանշաններ, որոնք խօսում են այն մասին, որ միգուցէ ժամանակն է մտածել հոսփիսի մասին: Դրանք են.

– Անհատը յաճախ է լինում արտակարգ իրավիճակների բաժանմունքում (emergency room), նրա հիւանդութիւնը զարգանում է՝ ազդելով ամէնօրեայ գործունէութեան վրայ.

– Տարուայ ընթացքում մի քանի անգամ անհատը յայտնուել է հիւանդանոցում նոյն, կամ աւելի վատթարացած ախտանշաններով.

– Անհատը գերադասում է մնալ տանը՝ կեանքի մնացած մասը հիւանդանոցում անցկացնելու փոխարէն.

– Տանը ստացած բուժօգնութիւնը չի կանխում, որ անհատը պարբերաբար յայտնուի հիւանդանոցում:

 

ՎԻԿՏՈՐ ԿՈՅՖՄԱՆ.- Ո՞վ կարող է դառնալ հոսփիսի հիւանդ: Կա՞ն արդեօք որոշակի սահմանափակումներ կապուած տարիքի կամ հիւանդութեան հետ:

ՄԱՔՍԻՄ ԼԱԲՈՒՏԻՆ.- Հոսփիսի ծրագրում տարիքի հետ կապուած սահմանափակումներ չկան: Թէեւ հէնց մեր ընկերութիւնը մասնագիտանում է տարիքային՝ 18 եւ բարձր տարիքային խմբերի վրայ: Երբ խօսք է գնում հոսփիսի մասին, առաջին հերթին ամէն ինչ վերաբերում է հիւանդի վիճակին: Պայմանաւորուած ախտորոշմամբ, եւ հիւանդի վիճակի ծանրութեամբ, բժիշկը որոշում է, արդեօք հոսփիսի համար պատեհ ժամանա՞կն է: Կան, իհարկէ, նաեւ ընդհանուր չափանիշներ, որոնք ցոյց են տալիս, որ ծրագիրը համապատասխանում է տուեալ հիւանդին.

– Էպֆիզեմիա (emphysema), սրտանօթային անբաւարարութիւն, իշեմիկ կարդիոմիոպատիա, շաքարախտ, նեարդաբանական հիւանդութիւններ, երիկամների անբաւարարութիւն, քաղցկեղ, ՁԻԱՀ, մտագարութիւն (dementia).

– Վիճակի պարզորոշ վատթարացում.

– Վերին (սիստոլիկ) ճնշման չափից աւելի աճ կամ անկում (systolic blood pressure)

– Խրոնիկ այտուցուածութիւն կամ թոքամզի բորբոքում (pleurisy)

– Քաշի անընդհատ անկում.

– Փորուռեցք (շճային հեղուկի կուտակումը որովայնի խոռոչում) (ascites) եւ այլ…

 

ՎԻԿՏՈՐ ԿՈՅՖՄԱՆ.- Ինչո՞ւ պէտք է հիւանդը դիմի հոսփիսի, եթէ նրան այցելում է բուժքոյր Տնային առողջապահական գործակալութիւնից (Home Health Agency)։

ՄԱՔՍԻՄ ԼԱԲՈՒՏԻՆ.- Հոսփիսը ծրագիր է, որն իրենից ներկայացնում է առաւել բարձր մակարդակի բուժսպասարկում տնային պայմաններում: Մենք ունենք աւելի շատ հնարաւոորութիւններ ու մասնագէտներ, ինչի շնորհիւ կարող ենք օգնել հիւանդին տանը՝ նրան չուղարկելով հիւանդանոց կամ վերականգնողական կենտրոն: Տնային առողջապահական գործակալութիւնը (զբաղւում է տնային խնամքով), բժիշկի գրասենեակի հետ կապ ունի միայն աշխատանքային ժամերին, այն դէպքում, երբ հոսփիսը՝ օրը 24 ժամ:

 

ՎԻԿՏՈՐ ԿՈՅՖՄԱՆ.- Ձեր ծրագիրն ի՞նչ քաղաքականութիւն է որդեգրել հիւանդանոցային-ստացիոնար (inpatient treatment) բուժման նկատմամբ:

ՄԱՔՍԻՄ ԼԱԲՈՒՏԻՆ.- Հիւանդանոցային-ստացիոնար բուժումը, դա այլ խօսքով ասած, նոյն խնամակալութեան կենտրոնում (nursing home) ընթացող բուժումն է: Մարդիկ, ովքեր պառկած են տանը, եւ հոսփիս ծրագրի անդամ են, ստանում են այն, ինչը կը ստանային խնամակալութեան կենտրոնում: Եթէ հիւանդը գտնւում է խնամակալութեան կենտրոնում մեր հսկողութեան ներքոյ, ապա մեր ընկերութեան ներկայացուցիչները հետեւում են յատկապէս, որ նշուած կենտրոնն իրականացնի իր պարտաւորութիւնները: Իսկ մենք, իհարկէ, իրականացնում ենք մեր պարտականութիւնները եւ, անհրաժեշտութեան դէպքում, տրամադրում ենք անհրաժեշտ լրացուցիչ օգնութիւն:

 

ՎԻԿՏՈՐ ԿՈՅՖՄԱՆ.- Իսկ եթէ խնամակալութեան կենտրոնը չի կատարում իր բոլոր պարտաւորութիւնները, ի՞նչ անել այդ դէպքում: Ես ունեցել եմ նման տխուր փորձառութիւն ինձ հարազատ մարդու հետ: Ստիպուած էի «ստեղծագործական» մօտեցում ցուցաբերել:

ՄԱՔՍԻՄ ԼԱԲՈՒՏԻՆ.- Այդ դէպքում, մենք աշխատանք ենք կատարում նրանց փոխարէն: Գլխաւորը, որ հիւանդը չտառապի անհրաժեշտ ուշադրութեան պակասից: Սակայն մենք, փորձում ենք պայմանաւորուել խնամակալութեան կենտրոնի հետ, որպէսզի նրանք պահպանեն ծառայութիւնների այնպիսի մակարդակ, ինչն ակնկալում են ստանալ հիւանդը կամ նրա հարազատները:

 

ՎԻԿՏՈՐ ԿՈՅՖՄԱՆ.- Ձեր հոսփիսում գործո՞ւմ է հեռախօսագիծ, որին զանգահարելու դէպքում օրը 24 ժամ պատասխանող կայ:

ՄԱՔՍԻՄ ԼԱԲՈՒՏԻՆ.- Մեր բուժեղբայրն ու բուժքոյրը շուրջօրեայ հերթապահում են հեռախօսի մօտ: Աշխատանքի մեր ձեւաչափն է այդպիսին՝ երբ էլ հեռաձայնէք, մենք միշտ կը պատասխանենք:

 

ՎԻԿՏՈՐ ԿՈՅՖՄԱՆ.- Եւ որքա՞ն արագ էք արձագանգում: Ի՞նչ էք անում այն դէպքում, եթէ ընտանիքին անհրաժեշտ է, որպէսզի ձեր աշխատողներից մէկն այցելի հիւանդին՝ ասենք շաբաթ օրը վաղ առաւօտեան ժամը երեքին: Չէ՞ որ ամէն ինչ էլ կարող է պատահել: Որեւէ մէկը կը գնա՞յ:

ՄԱՔՍԻՄ ԼԱԲՈՒՏԻՆ.- Այո, անպայման կ՛այցելի: Փորձով ասեմ, կանչից 20-30 րոպէ յետոյ բուժքոյրը կամ բուժեղբայրը կ՛այցելեն տուն, կը պարզեն հիւանդի վիճակը, եւ ընտանիքի հետ միասին կ՛որոշեն, թէ ինչ անել: Իսկ եթէ օրինակ, մեր երկու հերթապահները կանչի են դուրս եկել, նրանք կը զգուշացնեն հնարաւոր ուշացման մասին, եւ կը տեղեկացնեն, որ կը կարողանան հասնել հիւանդի մօտ 40 րոպէ անց: Իսկ եթէ ժամանակը չի ներում, ապա՝ կ՛օգնեն շտապ օգնութիւն կանչել:

 

71

ԺԱԿԼԻՆ ՆԱԶԱՐԵԱՆ՝ «Մաքսիմում Քէյր Հոսփիս»ի 24/7 արտակարգ պատահարների հեռախօսազանգերի եւ այցելութիւնների բուժքոյր

ՎԻԿՏՈՐ ԿՈՅՖՄԱՆ.- Կարո՞ղ է արդեօք հիւանդը տեղափոխուել մի հոսփիսից միւսը:

ՄԱՔՍԻՄ ԼԱԲՈՒՏԻՆ.- Դա 100 տոկոսով հիւանդի եւ նրա ընտանիքի որոշումն է՝ սկսել, դադարել օգտուել հոսփիսի ծառայութիւններից, թէ տեղափոխուել մի ընկերութիւնից միւսը: Դրա համար կարող են լինել հետեւեալ պատճառները.

– Անհատը ցանկանում է սկսել բուժման նոր գործընթացներ, որոնք անհամատեղելի են հոսփիսի ծրագրի հետ.

– Անհատին դուր չի գալիս ներկայի ընկերութիւնում սպասարկման մակարդակը.

– Անհատը փոխում է բնակութեան վայրը, իսկ նրա հոսփիսը չի սպասարկում տուեալ շրջանը:

 

ՎԻԿՏՈՐ ԿՈՅՖՄԱՆ.- Մենք աւելի վաղ խօսեցիքն այն մասին, որ ընտանիքի անդամները սովորաբար մասնակցում են հիւանդի խնամքին, երբ նա տանն է: Իսկ եթէ ընտանիքի անդամներն իրենք էլ հիւանդ են, կամ շտապ պէտք է հեռանան քաղաքից:

ՄԱՔՍԻՄ ԼԱԲՈՒՏԻՆ.- Լուրջ հիւանդութեամբ տառապող հիւանդի մասին հոգ տանելը հիւծող է, մենք դա հասկանում ենք: Հոսփիսն ունի ձեւաչափ, որը նախատեսում է ընտանիքի անդամի համար հինգ օրեայ ընդմիջում, եւ այդ դադարի ընթացքում հիւանդը տեղափոխւում է բորդինգ քէյր (Boarding care) կենտրոն: Կամ, մենք տրամադրում ենք յաւելեալ օգնութիւն՝ բուժքոյրեր, եւ նրանց այցերն այդ ընթացքում աւելի յաճախակի ենք դարձնում:

(Շարունակելի յաջորդ Հինգշաբթի)

 

 


Նախ՝ Մենք Վերցնելու Հող Ունենք, Այնպէս Չէ, Որ Սրանք Են Վերջնական Սահմանները. Կիրօ Մանոյեան

0919GiroManoyanԵՐԵՒԱՆ, «Երկիր».- «Ոչ մի թիզ հող» կարգախօսն իմաստ այլեւս չունի իրականում, որովհետեւ նախ՝ մենք վերցնելու հող ունենք, այնպէս չէ, որ սրանք են վերջնական սահմանները. Հայաստան-Սփիւռք համաժողովի ժամանակ լրագրողներին ասաց ՀՅԴ Բիւրոյի անդամ Կիրօ Մանոյեանը:

Ըստ նրա՝ առաջնահերթ խնդիրն Արցախի ինքնորոշման ճանաչումն է: «Դրա համար «Ոչ մի թիզ հող» ասելը հիմա նշանակում է՝ ոչինչ չենք անելու մնացածը ետ բերելու համար», ասաց Մանոյեանը:

Հարցին, թէ իրականում այս հարցի վերաբերեալ տարբեր չե՞ն ՀՀԿի ու ՀՅԴի մօտեցումները, նա պատասխանեց՝ անշուշտ, տարբեր են: «Սակայն չենք հասել հարցի կարգաւորման այն փուլին, որ ասենք՝ միասին չենք, ուրեմն մենք գնացինք, դուք մնացէք, կամ հակառակը: Արցախի հարցում մեր տեսակէտը յայտնի է, յայտնի է նաեւ ՀՀԿի տեսակէտը, եւ դրա մէջ մենք այսօր վտանգ չենք տեսնում», ասաց Մանոյեանը:

Յիշեցնենք, որ համաժողովի ժամանակ ՀՀ արտաքին գործերի նախարար Էդուարդ Նալբանդեանը նշել էր, որ Հայաստանը կը վերադարձնի միայն այն տարածքները, որոնք Ղարաբաղի անվտանգութեանը չեն սպառնում:

Հարցին, թէ այդ ո՞ր տարածքներն են, որ մեր անվտանգութեանն իրօք չեն սպառնում, Մանոյեանը պատասխանեց, որ եթէ Նալբանդեանը նման հարցման տեղիք է տուել, պէտք է հէնց նրան էլ այդ հարցն ուղղել: «Մեր դիրքորոշումը հետեւեալն է՝ քանի դեռ Ադրբեջանը չի ճանաչում Արցախի ժողովրդի ինքնորոշման իրաւունքը, հայկական կողմը չպէտք է խօսի որեւէ զիջման մասին: Անհրաժեշտ է, որ փոխադարձ զիջումները լինեն հաւասար, համարժէք ու միաժամանակեայ: Չպէտք է այնպէս լինի, որ մենք այսօր զիջում ենք, նրանք էլ վաղը զիջեն, որովհետեւ մինչեւ վաղը կարող է մտափոխուեն: Դրա համար էլ կարծում եմ, որ չպէտք է խօսել որեւէ զիջման մասին այնքան ժամանակ, քանի դեռ Ադրբեջանն Արցախի ինքնորոշման իրաւունքը չի ճանաչել», ասաց Մանոյեանը:

Ըստ նրա՝ Նալբանդեանն իր ելոյթով ցանկացել է տեղեակ պահել՝ առաջարկուած փաթեթն ինչ է: Իսկ այդ փաթեթները երկու մասից են բաղկացած՝ միջազգային որեւէ սկզբունքների հիման վրայ պէտք է կարգաւորուի Ղարաբաղեան հարցը: Ըստ Մանոյեանի՝ միջազգային սկզ-բունքների հետ Դաշնակցութիւնը խնդիր չունի, քանի որ այդ սկզբունքներն են, որ հարցը պէտք է լուծեն խաղաղօրէն՝ առանց ուժ կիրառելու: Երկրորդն էլ, Մանոյեանի հաւաստմամբ, տարածքային ամբողջականութեան սկզբունքն է, որը նոյնպէս Դաշնակցութեան համար ընդունելի է, որովհետեւ անկախ Ադրբեջանի կազմում Արցախը երբեք չի եղել:


Կարօ Փայլան Այցելեց Հայոց Ցեղասպանութեան Յուշահամալիր

0921garo-paylan1

Թուրքիոյ Հանրապետութեան խորհրդարանի հայ պատգամաւոր Կարօ Փայլան Հայաստան կատարած իր այցի առաջին օրը՝ 17 Սեպտեմբերին այցելեց Հայոց Ցեղասպանութեան յուշահամալիր:

Ան յարգանքի տուրք մատուցեց Ցեղասպանութեան զոհերու յիշատակին. կը հաղորդեն Հայոց Ցեղասպանութեան թանգարան-հիմնարկէն:

Կարօ Փայլան իրեն ուղեկցող Ամերիկայի հայկական համագումարի գործադիր տնօրէն Բրայըն Արտունի, Ամերիկայի հայկական համագումարի տարածաշրջանային տնօրէն Արփի Վարդանեանի, տարածաշրջանային փորձագէտ Ալին Օզինեանի, իր խորհրդատու Թամար Նալճիի հետ միասին շրջայց կատարեց նաեւ Հայոց Ցեղասպանութեան թանգարան, ծանօթացաւ հարիւրամեայ պատմութեան ողբերգական դրուագներուն եւ վաւերական մանրամասնութիւններուն:

Այցի վերջաւորութեան Կարօ Փայլան գրեց պատուաւոր հիւրերու յուշամատեանին մէջ: ՀՑԹԻ տնօրէնի պաշտօնակատար Սուրէն Մանուկեան Փայլանին նուիրեց Հայկ Դեմոյեանի «Հայոց Ցեղասպանութեան Լուսաբանումը Համաշխարհային Մամուլի Առաջին Էջերին» խորագիրով գիրքը:


Հայաստան Պատրաստ է Մասնակցելու Սուրիոյ Մէջ Խաղաղարար Ջանքերուն. Հայաստանի Նախագահ

Հայաստան պատրաստակամ է մասնակցելու Սուրիոյ մէջ ՄԱԿի հովանիին եւ համապատասխան իրաւագիրին տակ խաղաղարար ջանքեր ձեռնարկելու շուրջ հնարաւոր քննարկման: Այս մասին, ըստ «Արմէնփրէս»ի, 19 Սեպտեմբեր 19ին, Նիւ Եորքի ՄԱԿի կեդրոնին մէջ տեղի ունեցած Գլխաւոր ժողովի 72րդ նստաշրջանին, իր ելոյթին ընթացքին յայտնեց Հայաստանի նախագահ Սերժ Սարգսեան:

«Ցաւօք, Միջին Արեւելքի մէջ գոյութիւն ունեցող անկայունութիւնը կը շարունակէ լուրջ մարտահրաւէր մնալ: Մենք մեծ ցաւով կը հետեւինք Սուրիոյ ճգնաժամին եւ մարդասիրական իրավիճակին, որմէ կը տուժէ քաղաքացիական բնակչութիւնը, ներառեալ նաեւ այդ երկրի հայ համայնքը: Հայաստանը իր հնարաւորութիւններու սահմաններուն մէջ կը ձգտի քիչ մը մեղմել Սուրիոյ ժողովուրդին տառապանքները՝ տրամադրելով մարդասիրական օգնութիւն: Մենք նաեւ պատրաստակամ ենք մասնակցելու Սուրիոյ մէջ ՄԱԿի հովանիին եւ համապատասխան իրաւագիրին տակ խաղաղարար ջանքեր ձեռնարկելու շուրջ հնարաւոր քննարկման», ըսաւ Սերժ Սար-գսեան: Ըստ Հայաստանի նախագահին՝ Հայաստան, ըլլալով բարդ տարածաշրջանի մէջ տեղակայուած երկիր, շարունակաբար յայտարարած է, որ իր ամենաարժէքաւոր պաշարը մարդն է: Իսկապէս, ո՛չ միայն Հայաստանի մէջ, այլեւ ՄԱԿի մեր ամբողջ ընտանիքին մէջ, ամէն ինչի կեդրոնը պէտք է պահել մարդը, պէտք է ձգտիլ խաղաղութեան եւ արժանապատիւ կեանքի բոլորի՛ն համար՝ կայուն մոլորակի վրայ: Կասկած չունիմ, որ ՄԱԿի մեր ընտանիքը կրնայ ապահովել համագործակցութեան այն նոր որակը, որ թոյլ պիտի տայ դիմագրաւելու ժամանակակից համաշխարհային եւ տարածաշրջանային մարտահրաւէրները: Այդ իսկ նպատակով է, որ Հայաստան կը մասնակցի ՄԱԿի շարք մը խաղաղապահ գործողութիւններու: Աւելին, մենք պատրաստակամ ենք աւելցնելու Լիբանանի մէջ ԵՈՒՆԻՖԻԼ եւ Մալիի մէջ՝ ՄԻՆՈՒՍՄԱ առաքելութիւններուն մէջ մեր մասնակցութիւնը», յայտնեց Հայաստանի ղեկավարը:


Հայ–Թուրքական Սահմանին Թուրք Սահմանախախտ Է Ձերբակալուել

ԵՐԵՒԱՆ, «Նիուզ».- Սեպտեմբերի 20ին, Արտաշատի սահմանապահ ջոկատի տեղամասում՝ Եղէգնաւան բնակավայրի շրջանում, ռուսաստանցի սահմանապահները ձերբակալել են հայ–թուրքական պետական սահմանն ապօրինի հատած անյայտ անձի: Հայաստանում ՌԴ ԱԴԾ Սահմանապահ վարչութեան մամուլի ծառայութիւնը յայտնում է, որ սահմանապահ կարգադրախումբը մի քանի րոպէի ընթացքում ձերբակալել է չարագործին, որը 1972ին ծնուած, Թուրքիայի Հանրապետութեան քաղաքացի է: Ձերբակալուածի խօսքով՝ ինքը Իգդիրի նահանգի Արալըքի գաւառի Գէօդաքլը բնակավայրում հովիւ է աշխատում: Պետական սահմանն հատել է հօտից յետ մնացած խոշոր եղջերաւոր անասուններին որոնելու համար:

Վարկածը ստուգում են իրաւապահ մարմինները, որոնք կը պարզեն նաեւ կատարուածի հանգամանքները:


Չկայ Վերադարձ Անցեալին՝ Թէ՛ Սահմաններու, Թէ՛ Կարգավիճակի Առումով. Բաբայեան

0921babayan

ԵՐԵՒԱՆ.- Արցախի Հանրապետութեան նախագահի մամլոյ բանբեր Դաւիթ Բաբայեան մեկնաբանած է Հայաստանի արտաքին գործոց նախարար Էդուարդ Նալբանդեանի՝ Հայաստան-Սփիւռք համահայկական համաժողովի ծիրին մէջ կատարած յայտարարութիւնը՝ ղարաբաղեան տագնապի լուծման եւ տարածքներուն վերաբերեալ, առանցքային նկատելով անվտանգութեան խնդիրը:

«Նախ եւ առաջ խօսինք այն մասին, որ այդ յայտարարութեան կարեւորագոյն խորքային իմաստը այն է, որ անվտանգութիւնը ամէնէն առանցքային բաղադրամասն է: Աւելի ճիշդ պիտի ըլլար խօսիլ ո՛չ թէ տարածքներու, այլ սահմաններու մասին: Անոնք տարբեր երեւոյթներ են, որովհետեւ չես գիտեր ինչո՛ւ սահմաններու հարցը քննարկելով կամ խօսելով անոնց մասին՝ միշտ հարցը կը դիտարկեն ներկայիս Արցախի Հանրապետութեան նկատմամբ Ատրպէյճանի յաւակնութիւններուն ներքեւ: Կարեւորը այն է, որ հիմնական շեշտը կը դրուի անվտանգութեան հարցերուն վրայ, եւ ամբողջ աշխարհի համար հասկնալի է, որ այդ հարցը կարեւորագոյնն է, քանի որ մենք միշտ ըսած ենք, որ չկայ վերադարձ անցեալին՝ թէ՛ սահմաններու, թէ՛ կարգավիճակի առումով: Մեր այս մօտեցման հիմքը կը հանդիսանայ անվտանգութեան բաղադրամասը», շեշտած է Դաւիթ Բաբայեան:

Ան յայտնած է, որ Ատրպէյճանը ստիպած է, որ սահմանները փոխուին, եւ մինչեւ հիմա չի հրաժարիր իր հայատեաց քաղաքականութենէն:

«Հետեւաբար, մենք երբե՛ք թոյլ պիտի չտանք, որ մեր պետութիւնը յայտնուի այնպիսի վիճակի մը մէջ, որ անվտանգութեան նոյնիսկ մէկ բաղադրամաս կասկածի տակ ըլլայ: Այդ պարագային հակառակորդը անմիջապէս պիտի օգտուի առիթէն եւ պիտի յարձակի մեր վրայ: Այս տեսանկիւնէն դարձեալ կ՛ուզենք կարեւոր նկատել Քարվաճառ գետը: Այդտեղ սկիզբ կ՛առնեն նախկին ԼՂԻՄի ջրային պաշարներուն 85 տոկոսը, Արփա եւ Որոտան գետերը, որոնք Սեւանայ լիճը կը փրկեն կործանումէ: Ատրպէյճան ունի ջրային ահաբեկչութեան հարուստ փորձառութիւն. խոր-հրդային տարիներուն կը թունաւորէր Արցախի ջուրերը: Մենք պէտք է հաշուի առնենք, որ եթէ վաղը անոնք վերահսկողութիւն ստանան այդ տարածքներուն վրայ, մեր ջրային պաշարներուն մէջ պիտի նետեն շողարձակ նիւթեր եւ միջուկային թափօններ, իսկ ապա պիտի ըսեն՝ դուք ըրած էք: Եթէ նոյնը ըլլայ Սեւանի հետ, թունաւորուին Արփա եւ Որոտան գետերը, Հայաստանը ամբողջովին պիտի թունաւորուի», եզրափակած է ան:


Սփիւռքը Լուրջ Աշխատանքներ Է Կատարում Արցախին Մեկուսացումից Հանելու Համար. Շաւարշ Քոչարեան

ՍՏԵՓԱՆԱԿԵՐՏ, «Արցախփրէս».- Հայաստան-Սփիւռք 6րդ համաժողովի շրջանակում լրագրողների հետ ճեպազրոյցում այս մասին ասաց ՀՀ փոխարտգործնախարար Շաւարշ Քոչարեանը:

«Սփիւռքը, Ցեղասպանութեան ճանաչման ոլորտում աւանդական դարձած աշխատանքներին զուգահեռ, միաժամանակ շատ աւելի մեծ շեշտադրում պէտք է կատարի արցախեան հարցի վրայ: Դա վերաբերում է ե՛ւ տնտեսական, ե՛ւ քաղաքական ոլորտներին, ե՛ւ ի հարկէ Արցախի ճանաչմանը: Ընդհանուր առմամբ, այսօր Հայաստանը կամայ-ակամայ դարձել է ինչ որ չափով առաջամարտիկ՝ ցեղասպանութիւնների կանխարգելման հարցում: Դա պէտք է շարունակուի, եւ առանց հակադրելու մէկ հարցը միւսին, միաժամանակ, շատ աւելի լուրջ շեշտադրումով պէտք է առաջ մղուեն  Արցախի Հանրապետութեան հետ կապուած բոլոր հարցերը», ընդգծեց նա:

Շաւարշ Քոչարեանի դիտարկմամբ՝ հայկական Սփիւռքը լուրջ ազդեցութիւն ունի որոշակի միջազգային կազմակերպութիւններում ձեւաւորուող կարծիքների վրայ, ինչի առումով Սփիւռքի դերակատարումն անգնահատելի է:

«Երբ խօսքը գնում է Ցեղասպանութեան միջազգային ճանաչման մասին, բոլորս շատ լաւ գիտակցում ենք, որ առիւծի բաժինը հասնում է Սփիւռքին: Ադրբեջանը փորձեր է կատարում մեկուսացնելու Ղարաբաղը, մինչդեռ Սփիւռքը լուրջ աշխատանքներ է կատարում Արցախին մեկուսացումից հանելու համար», եզրափակեց Շաւարշ Քոչարեանը:


RSS

Szukaj

Linki

Telefonia

Reklama

Administracja

Group & Page

Back Links

Stats